"ABŞ İsrailin İrana uzun müddətdir etmək istədiyi hücuma icazə verərək İrana göz dağı verir" - Turan Rzayev

İsrail Hərbi Hava Qüvvələri İran ərazisinə zərbələr endirib.Hava zərbələri nəticəsində İran Silahlı Qüvvələrinin Baş Qərargah rəisi general-leytenant Məhəmməd Baqiri və İslam İnqilabı Keşikçiləri Korpusunun (SEPAH) komandanı general-mayor Hüseyn Salami ölüb.

Politoloq Turan Rzayev BiG.AZ-a bildirib ki, ABŞ İsrailin İrana uzun müddətdir etmək istədiyi hücuma icazə verərək İrana göz dağı verir və onu danışıqlar masasına qaytarmaq istəyir.İsrailin bu qədər peşəkar şəkildə əməliyyat keçirməsi İranın özündən kəşfiyyat materialları ötürülməsi ilə bağlıdır:

"Bu hücumun olacağını öncədən demişdim. Hücumu zəruri edən iki məsələ var idi. Birincisi, İsrai tərəfi ABŞ-yə hər vəchdə İrana hücum edilməsinin vacib olduğunu bildirirdi. İkinci məsələ ABŞ və İran arasında danışıqların dalana dirənməsidir. İran heç bir kompromisə getmir, heç bir təklifi qəbul etmir. Xüsusilə İranın ali dini rəhbərinin sərgilədiyi mövqe danışıqların gələcəyinə ümidi azaldırdı. Bütün bu addımlar fonunda İrana edilən hücum bunu deməyə əsas verir ki, Amerika İsrailin İrana uzun müddətdir etmək istədiyi hücuma icazə verərək İrana göz dağı verir və onu danışıqlar masasına qaytarmaq istəyir. Faktiki oaraq İranın mühüm nüvə obyektlərinə zərbə vuruldu. Mühüm şəxsləri həyatını itirdi. Bu, ciddi bir hadisədir. Bunu edə bilən İsrail varsa, deməli, İranın rəhbərini belə öldürəcək səiyyədədir. İranın daxilində nüvə danışıqlarında maraqlı olan qüvvələr var. Bu qüvvələr həm də SEPAH-a qarşı olan qüvvələrdir.İsrailin bu qədər peşəkar şəkildə əməliyyat keçirməsi İranın özündən kəşfiyyat materialları ötürülməsi ilə bağlıdır. Prosesin uzun müddətli olacağını düşünmürəm. İran tərəfi mövqeyində israr edərsə, hücumların miqyası arta bilər. O zaman uzun müddətli əməliyyatdan danışmaq olar. Amma İranın İsrailin timsalında Qərbi qarşısına ala biləcək gücə sahib olduğunu düşünmürəm. 1-2 raket atıb dayanacaq. Bu hücumlar nüvə danışıqlarında ciddi irəliləyişə gətirib çıxara bilər".

Şəbnəm Lətifi

Telegramda izləyin